Polislərin pensiyaya çıxma qaydası dəyişir? - AÇIQLAMA

“Hərbi qulluqçuların statusu haqqında” və “Əmək pensiyaları haqqında” qanunlarda bir sıra dəyişikliklər gözlənilir. Sözügedən dəyişikliklərin polislərə şamil olunub-olunmaması isə müzakirə olunan məsələlərdən biridir.

İqtisadçı deputat Vüqar Bayramovun sözlərinə görə, dəyişikliklər yalnız hərbiçi və hərbi statuslu vətəndaşlarımıza şamil olunur.

"Bu dəyişikliklər polislərə şamil olunmayacaq. Onlar mövcud qaydalar ilə pensiyaya çıxmaq hüququnu saxlayırlar. Sadəcə, dəyişiklik polis sistemində hərbi status ilə çalışanlara adi ediləcək. Məsələn, Daxili İşlər Nazirliyi Daxili Qoşunlarında çalışanlara dəyişiklik şamil ediləcək", - deyə millət vəkili əlavə edib.