A.Saqatelyan: “Ermənistan təkcə döyüşlərdə deyil, informasiya müharibəsində də ciddi məğlubiyyətə uğradı”

Ermənistan Azərbaycana təkcə müharibə meydanında deyil, eyni zamanda bütün  beynəlxalq analitik informasiya məkanında da  ağır məğlubiyyətə uğradı.

Bunu Ermənistan prezidenti yanında  “İctimai əlaqələr və informasiya mərkəzi”nin keçmiş rəhbəri  Ara Saqatelyan  erməni mediasına açıqlamasında deyib.

Onun sözlərinə görə, Ermənistan beynəlxalq informasiya məkanındakı hakim mövqelərini   Qarabağ müharibəsindən öncə itirib. “ Müharibə ərəfəsində  informasiya məkanında  ideoloji mübrizə zəruri olsa da, Ermənistan bu müstəvidə uduzdu. Bu faktdır. Çünki erməni tərəfi  Qarabağ müharibəsi zamanı nəzarət etdiyi böyük əraziləri itirdi, eyni zamanda  təbliğat  cəbhəsində də  öz əvvəlki mövqelərini itirmiş oldu”- Ara Saqatelyan qeyd edib.

O əlavə edib ki,  media müstəvisində ideoloji mübarizə bu gün də davam edir: “Erməni tərəfi bu gün də medi müstəvisində məğlubiyyətlərə düçar olmaqda davam etməkdədir. Burada söhbət təkcə beynəlxalq analitik informasiya müstəvisində deyil, hətta, ən sadə ictimai əlaqələrdə belə ağır məğlubiyyətlərə uğramaqdadır. Baxmayaraq ki, 1988-ci ildən erməni tərəfi bu platformada  öncül mövqedə olub”.