Türkiyəli nazir: "Rəisinin helikopteri heç bir qəza siqnalı verməyib"
- 21-05-2024, 09:00
- Dünya
- 0
- 59
![Türkiyəli nazir: "Rəisinin helikopteri heç bir qəza siqnalı verməyib"](https://olke.az/photo/770x415/2024/05/20/1716219157_screenshot-2024-05-20-193349.png)
"İran Prezidenti İbrahim Rəisinin qəzaya uğrayan helikopteri heç bir qəza siqnalı verməyib".
Bunu Türkiyənin nəqliyyat və infrastruktur naziri Abdulkadir Uraloğlu deyib.
Onun sözlərinə görə, helikopterin qəza siqnalı ötürmə sistemi olmayıb və ya sıradan çıxıb.
"İlk öncə helikopterin siqnal verib-verməməsini yoxladıq. Dərhal İran tərəfi ilə əlaqə saxladıq, lakin təəssüf ki, siqnal sisteminin çox güman ki, sıradan çıxdığını və ya olmadığını müəyyən etdik", - deyə o bildirib.
Xatırladaq ki, mayın 19-da Xudafərindən Təbrizə uçan helikopterdə İran Prezidenti İbrahim Rəisi, xarici işlər naziri Hüseyn Əmir Abdullahian, İranın ali dini liderinin Təbrizdəki nümayəndəsi Məhəmməd Əli Haşimi və Şərqi Azərbaycan vilayətinin valisi Malik Rəhməti olub. Helikopterin sərt eniş etməsi nəticəsində İran prezidenti və onu müşayiət edən bütün heyət həlak olub.