Həftəsonları şəhərlərarası və rayonlararası avtobuslar işləyəcək

Azərbaycanda şəhərlərarası və rayonlararası sərnişin daşımaları həftəsonları da xidmət göstərəcək.
Bunu Dövlət Avtomobil Nəqliyyatı Xidmətinin mətbuat xidmətinin rəhbəri Nuridə Allahyarova bildirib:

“Əgər onlar cümə günü yola düşüblərsə, sürücünün istirahəti təmin olunduqdan sonra geri qayıtmalıdırlar və bu zaman geri qayıdarkən sərnişinlə geri qayıtmaq aidiyyatı qurumlar tərəfindən məqbul görülüb. Həftəsonları da şəhər və rayonlararası sərnişin daşıyan avtobuslarda sərnişinlərin hərarəti ölçüləcək, hərarəti olan sərnişinlər tibb məntəqəsinə göndəriləcək”.

O həmçinin bildirib ki, ilk gün olduğundan Beynəlxalq Avtovağzala axın digər günlərlə müqayisədə çox deyil.

"Amma sabahdan etibarən güclü axın gözləyirik. Sərnişinləri koronavirusla bağlı qaydalara əməl etməyi çağırırıq".