Maskaya görə cərimələr ARTIRILDI - RƏSMİ - SON DƏQİQƏ
18-12-2020, 13:09. Разместил: admin
Karantin qaydalarını pozanlara qarşı cəzalar sərtləşdirilir.
Bununla bağlı olaraq Milli Məclisin bu gün keçirilən iclasında İnzibati Xətalar Məcəlləsinə dəyişiklik məsələsi müzakirə olunub.
“Ölkə.Az” xəbər verir ki, qanun layihəsi barədə məlumat verən Nizami Səfərovun sözlərinə görə, Məcəlləyə əsasənn vəzifəli şəxslərin karantin rejimini pozacağı təqdirdə cərimələr 3 min manatdan 4 min manata, təkrar baş verdikdə isə 11 min manatadək cərimə olunması nəzərdə tutulur.
Fiziki şəxslər 300 manat, hüquqi şəxslər isə 600 manat cərimə olunacağı təklif olunur. Karantin rejiminin təkrar pozulduğu halda 400 manat, hüquqi şəxslər isə 1200 manat cərimə olunması nəzərdə tutulur.
Millət vəkili Fazil Mustafa hesab edir ki, cərimələrin sərtləşdirilməsi vəziyyətdən çıxış yolu deyil. “Ona görə də bu məsələdə daha optimal yanaşmaq lazımdır”.
Razi Nurullayev isə hesab edir ki, cərimə tətbiq etməkdənsə ilk növbədə ciddi xəbərdarlıq edilsin. “Cəzaların sərtləşdirilməsi elə də çıxış yolu deyil. İnsanlar cərimə olunmaq istəmirsə, o zaman qaydalara riayət etsinlər”.
Deputat Tahir Kərimli də Məcəlləyə nəzərdə tutulan sərt cəzaların çıxış yolu olmadığını, ancaq məcburiyyət qarşısında atılan addım kimi dəyərləndirib.
Məcəlləyə dəyişiklik layihəsi səsverməyə çıxarılaraq qəbul edilib.
Вернуться назад