Главная > Sosial > "Qaçqınkom": "İlin sonunadək 2 minə yaxın keçmiş məcburi köçkün ailəsinin yurdlarında məskunlaşması nəzərdə tutulub"
"Qaçqınkom": "İlin sonunadək 2 minə yaxın keçmiş məcburi köçkün ailəsinin yurdlarında məskunlaşması nəzərdə tutulub"18-08-2023, 09:20. Разместил: admin |
![]() Bu ilin sonunadək ümumilikdə 2 000-ə yaxın keçmiş məcburi köçkün ailəsi, 10 000-ə yaxın insanın doğma el-obalarında məskunlaşdırılması nəzərdə tutulub. Bunu jurnalistlərə açıqlamasında Qaçqınların və Məcburi Köçkünlərin İşləri üzrə Dövlət Komitəsinin ("Qaçqınkom") sədr müavini Fuad Hüseynov deyib. “Bu gün artıq ölkəmizin, Qarabağımızın ən iri, qədim, füsunkar guşələrindən olan doğma Füzuliyə ilk köç karvanını yola salırıq. Bu münasibətlə bütün Füzuli sakinlərini, qarabağlılarımızı, keçmiş məcburi köçkün soydaşlarımızı, xalqımızı ürəkdən təbrik edirəm. Bu gün “Qobu” yaşayış kompleksindən Füzuli şəhərinə ilk mərhələdə qayıdacaq 23 ailə - 90 nəfərin köç karvanı yola salınır. Köç möhtərəm Prezidentimizin tapşırıqlarına əsasən “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı”na uyğun olaraq həyata keçirilir”, - F.Hüseynov qeyd edib. “Ümumilikdə bu günədək Şərqi Zəngəzur və Qarabağ iqtisadi rayonlarında 400-ə yaxın keçmiş məcburi köçkün ailəsi – 2 000-ə yaxın insan daimi məskunlaşdırılıb. Bu ilin sonunadək ümumilikdə 2 000-ə yaxın keçmiş məcburi köçkün ailəsi, 10 000-ə yaxın insanın doğma el-obalarında məskunlaşdırılması nəzərdə tutulub. Biz əminik ki, bu proses qarşıdakı aylarda daha instensiv xarakter alacaq və Böyük Qayıdışa dair I Dövlət Proqramı vaxtında, yüksək səviyyədə icra olunacaq. Fürsətdən istifadə edərək doğma torpaqlarına qayıdan Füzuli sakinlərinə firavan həyat arzulayıram”, - Komitə sədrinin müavini vurğulayıb. Вернуться назад |