Millət vəkilindən şok iddia: “Ermənistan tərəfində minalanmış ərazilərin xəritəsi yoxdur, bu da beynəlxalq cinayətdir və cinayətinə görə cavab verməlidir”
25-03-2021, 11:19. Разместил: admin
Erməni tərəfinin Azərbaycana minalanmış ərazilərin xəritələrinin verilməməsi 10 noyabr 2020-ci ildə Azərbaycan, Rusiya və Ermənistan arasında imzalanmış üçtərəfli sülh bəyanatların həyata keçirilməsində əsas problem olaraq qalmaqdadır.
Bunu “Ölkə.Az” a açıqlamasında millət vəkili Sabir Hacıyev deyib.
Millət vəkilinin sğzlərinə görə, beynəlxalq praktikaya uyğun olaraq münaqişə və müharibə edən tərəflər sülh sazişi əldə etdikdən sonra minalanmış ərazilərin xəritələrini qarşı tərəfə verməlidir. “Amma Ermənistan tərəfi təkcə əldə edilmiş üçtərəfli sülh sazişinin razılaşmalarını deyil, eyni zamanda beynəlxalq hüququ kobud şəkildə pozaraq beynəlxalq cinayət hərəkəti törətməkdədir. “Fikrimcə, Ermənistan tərəfinin minalanmış ərazilərinin xəritəsinin verməsinin əsas səbəblərindən biri minalanmış ərazilərin dəqiq xəritəsinin olmaması ilə əlaqədardır. Beynəlxalq hüququn tələbinə uyğun olaraq əraziləri xəritə əsasında deyil, necə gəldi minalayıblar. Minalanmış ərazilərin dəqiq yerini bilmədikləri üçün də xəritə ni vermək istəmirlər və müxtəlif bəhanələrlə xəritəni verməkdən boyun qaçırırlar. Əgər varsa, mütləq verməlidirlər. Əks təqdirdə bu hərəkət beynəlxalq hüquqa zidd olduğu üçün beynəlxalq xarakterli cinayətdir və Ermənistan tərəfi bu əməlinə görə beynəlxalq hüquq qarşısında cavab verməlidir.
Digər tərəfdən isə beynəlxalq praktikaya uyğun olaraq ərazilər minalanarkən həmin ərazinin xəritəsinin bir neçə surəti hazırlanır. Hətta varsa və xəritə verilmirsə, bu, yenə də cinayət xarakterli addımdır. Əldə edilmiş razılaşmaların kobud surətdə pozulması, bölgədə sülhün, qarşılıqlı etimad mühitinin formalaşmasını süni şəkildə əngəllənməsi deməkdir. Xəritələrin verilməməsi ərazilərim minalardan təmizlənməsi və insanların öz yurdlarına qayıtması prosesini ləngidir. Bununla yanaşı həm hərbçilərin, həm də mülki insanların ölümünə səbəb olur. Bu da bir daha erməni xislətinin, vəhşiliyinin, qanunlara hörmətsiz yanaşdığının bariz göstəricisidır”-millət vəkili qeyd edib.
Millət vəkili hesab edir ki, xəritələrin Azərbaycana verilməsi məsələsi Ermənistanın qarşısında şərt kimi qoyulmalı və bunda beynəlxalq təşkilatlar da iştirak etməlidir.
Вернуться назад