Bundan sonra Azərbaycan torpaqlarında daim sülh olacaq
17-05-2024, 09:58. Разместил: admin
Məlumdur ki, hər bir xalq xoşbəxt gələcəyə olan ümidini daha çox özünün igid, mərd, qeyrətli, işgüzarlığı sevən, doğma xalqına bağlı olan, Vətənin hər qarış torpağını göz bəbəyi kimi qorumağa çalışan övladlarına bağlayır və bu danılmaz bir həqiqətdir. Unutmaq olmaz ki, illər keçib zaman dəyişdikcə nəsillər də dəyişir, bəşəriyyət yeni inkişaf mərhələsinə qədəm qoyur. Odur ki, belə bir göstəriciləri özündə cəmləşdirən vətən övladları hər tarixi zamanda vətəndaşı olduqları dövlətin gələcəyini, inkişaf istiqamətini müəyyənləşdirən əsas qüvvəyə çevrilirlər. Keçmişə nəzər salsaq görərik ki, tarixin bütün dönəmlərdə onların üzərinə xüsusi missiyalar düşüb və həmin şəxslər təmsil etdikləri ölkələrə lazımi töhfələrini töhfələrini bəxş ediblər, əsl vətəndaş mövqelərini ortaya qoyublar. Bəli, yaxın-uzaq tariximizin hər dönəmində xalqımıza başucalığı gətirən, qürurlu adları ilə hər kəs tərəfindən sevilən neçə-neçə Vətən övladları olub ki, onlar atdıqları addımları ilə şanlı tariximizdə silinməz izlər buraxıblar. Çünki, Azərbaycan xalqına məxsus yüksək insani keyfiyyət, əxlaqi və mənəvi dəyərlər, həmçinin digər göstəricilər var ki, bu da xalqımızın yüksək ad daşıyıcısı olduğunu sübuta yetirir. Unutmaq olmaz ki, xarakterik xüsusiyyətində sədaqətli, əliaçıq, səxavətli olmağı bacaran, həmçinin xalqının və doğma Vətəninin yolunda özünü sipər etməyə qadir olan övladları tarix az-az yetişdirsə də, onların içərisində mayak olanlar, məhz öz şəxsi keyfiyyətləri və cəmiyyətdə tutduqları mövqelərə görə seçilən olurlar. Haqqında bəhs etdiyimiz, hansı ki, əsl xalq sevgisini qazanan, xeyirxah əməlləri, yüksək insani keyfiyyəti, vətənpərvərlik hissinin coşqusu ilə ad-san çıxaran vətən övladlarından biri də Kürdəmir Rayon Qaz İdarəsi, Xidmət Sahəsinin Sığırlı xidmət sahəsi üzrə rəisi Şamxal Kərimovdur.
Kürdəmir Rayon Qaz İdarəsi, Xidmət Sahəsinin Sığırlı xidmət sahəsi üzrə rəisi Şamxal Kərimov qazilərin, şəhid ailələrinin, veteranların yaxın dostudur. Şəhid ailələri, qazilər, həmçinin müharibə veteranları daim Şamxal Kərimovun diqqətindədir. “Bütün bayramlarda və əlamətdar günlərdə onlara baş çəkir, qayğıları ilə maraqlanır, hər cür maddi-mənəvi dəstək göstərilir. Onların heç bir müraciətini geri çevirməyən Şamxal Kərimov səlahiyyətləri çərçivəsində hər cür köməklik göstərməyə həmişə hazırdır.
Kürdəmir Rayon Qaz İdarəsi, Xidmət Sahəsinin Sığırlı xidmət sahəsi üzrə rəisi Şamxal Kərimov - Şuşaya ilk qayıdış Azərbaycan üçün çox böyük tarixi hadisədir. Biz əvvəllər Azərbaycanda məcburi köçkün ailələrinin mənzil-məişət şəraitinin yaxşılaşdırılmasından danışardıq. Bunu ona görə xüsusi vurğulayıram ki, bu insanlar öz torpaqlarında qaçqın və məcburi köçgün vəziyyətinə düşmüşdülər. Baxmayarq ki BMT-nin Təhlükəsizlik Şurası bununla bağlı 4 qətnaməsi imzalamışdı və 30 ilə yaxın bir müddət ərzində yerinə yetirilmədi. Bütün qətnamələri Prezident İlham Əliyevin rəhbərliyi ilə Azərbaycan Ordusu və xalqı yerinə yetirdi. 2020-ci ilin payızında 44 günlük Vətən müharibəsi apararaq ərazilərinin böyük bir hissəsini, təxminən 10 min kvadratkilometri işğaldan azad etdi. Rəşadətli Azərbaycan Ordusunun 2020-ci ilin noyabrın 8-də Qarabağın tacı olan Şuşanı misli görünməmiş bir qəhrəmanlıqla 28 illik işğaldan azad etməsi dünya hərb tarixinə bir yenilik gətirdi. Məhz sıldırım qayaları, keçilməz dağ cığırlarını aşaraq burada düşmənin ən çevik ordu birləşmələrini darmadağın edən Azərbaycan hərbçiləri Şuşada üçrəngli bayrağımızı dalğalandırdılar.
2023-cü ilin sentyabrın 19-da başlayan lokal xarakterli antiterror tədbirləri nəticəsində isə qanunsuz xunta rejiminin sığındığı digər ərazilər də separatçılardan təmizləndi. Bir sutkadan az davam edən antiterror tədbirləri nəticəsində Azərbaycan həm öz ərazi bütövlüyünü, həm də dövlət suverenliyini tam bərpa etdi. Beləliklə, Azərbaycan işğal altında olan torpaqlarını erməni təcavüzkarlarından təmizləyərək, yeni bir həyata qədəm qoydu.
Mayın 10-da Ulu Öndər Heydər Əliyevin anadan olmasının 101-ci ildönümü günündə Prezident İlham Əliyevin və birinci xanım Mehriban Əliyevanın Şuşaya möhtəşəm və unudulmaz səfərlərindən biri oldu. 32 ildən sonra öz doğma yurd yerlərinə dönən şuşalılarla görüşündə Prezident İlham Əliyev və birinci xanım Mehriban Əliyeva bu şəhərə ilk qayıdan sakinlərə onlar üçün yeni tikilmiş mənzillərinin açarlarını təqdim etdilər. Sakinlərlə görüşündə çıxış edən dövlət başçısı bu tarixi gün münasibətilə şuşalıları təbrik etdi və qeyd etdi ki, mayın 10-u hər birimiz üçün, təbii ki, mənim üçün əziz gündür - Ulu Öndərin doğum günüdür. Onun ən böyük arzusu bu reallıqları görmək idi, işğala son qoymaq idi və məhz onun fəaliyyəti nəticəsində biz inkişaf yoluna qədəm qoyduq. Bundan sonra Şuşanın yeni tarixi başlayır. Mən 2020-ci il noyabrın 8-də xalqa müraciətimdə demişdim ki, biz Şuşanı dirçəldəcəyik. Bax, bu gün biz dirçəldilən Şuşanı görürük. Bu gün Ulu Öndərin doğum günündə Şuşada üçüncü yaşayış kompleksinin təməli qoyuldu. Keçən il mayın 10-da ikinci yaşayış kompleksinin təməli qoyulmuşdur. Bu birinci yaşayış kompleksində 450, ikincidə 300-ə yaxın, üçüncüdə isə 500-ə yaxın mənzil inşa ediləcək. Onun bir hissəsi artıq hazırdır. Bu gün siz bu mənzillərə köçəcəksiniz. Mən əminəm ki, uzun fasilədən sonra şuşalılar burada rahat yaşayacaqlar, yaradacaqlar, quracaqlar, öz doğma şəhərlərinin tarixi simasını qoruyacaqlar.
Bəli, bu gün Şuşa gündən günə inkişaf edir, tarixi əzəmətini bərpa edir və sürətlə işğaldan əvvəlki xoşbəxt çağlarına qovuşmağa çalışır. Şuşanın ən böyük sevinci isə illərdir həsrətini çəkdiyi doğma sakinlərinə yenidən qovuşmasıdır.
Вернуться назад