Paşinyanın xüsusi nümayəndəsi yenə Laçından keçib Xankəndinə gəldi və...
9-06-2022, 16:00. Разместил: admin
Ermənistan baş nazirinin Qarabağdakı xüsusi nümayəndəsi Edmon Marukyan öz "Facebook" səhifəsində Xankəndindəki bütün "müxalifət" "parlament" fraksiyaları və "partiyaları"nın onunla görüşməkdən imtina etməsi ilə bağlı dünən yayılmış məlumatları təkzib edib.
Moderator.az xəbər verir ki, bu haqda Tert.am nəşri məlumat yayıb.
"Təəssüflər olsun ki, yalanlarla Ermənistan və Qarabağ dövlət adamlarının birgə işini pozmağa çalışan siyasətçilər var. İki saata yaxın Artsax parlamentində, o cümlədən müxalifət fraksiyalarının deputatları ilə görüşlərim oldu. Qaldırılan bütün məsələləri, narahatlıqları və təklifləri müzakirə etdik” -deyə bu günlərdə növbəti Laçın dəhlizindən keçərək Azərbaycan torpağına gəlmiş E.Marukyan bildirib.
Erməni nəşri xatırladır ki, Xankəndindəki qanunsuz müxalif "Ədalət" "partiyası"nın həmsədri Akop Akopyan dünən “Pastinfo” xəbər agentliyinə müsahibəsində guya qeyri-qanuni Qarabağ erməni "parlamenti"nin "bütün müxalifət fraksiyaları və partiyaları – “Ədalət” fraksiyası, "ARF" "Daşnaksütyun" və "Milli Demokratiya" partiyası"nın Paşinyanın xüsusi nümayəndəsi ilə görüşdən imtina etdiklərini vurğulayıb.
Erməni mediası eyni zamanda E.Marukyanın guya Xankəndində onu qarşılayan kütlənin təkidlərinə baxmayaraq "Qarabağ Azərbaycanın tərkibində olmayacaq" deməməsinin etirazlara səbəb olduğunu bildirib.
Вернуться назад