Prezident və xanımı “Xocalı yürüşü”nə qatıldı - YENİLƏNİB
26-02-2022, 11:04. Разместил: admin
XX əsrdə bəşər tarixinə Xocalı soyqırımı kimi daxil olan qanlı faciənin 30-cu ildönümü ilə əlaqədar Bakıda ümumxalq yürüşü keçirilib.
Azərbaycan Respublikasının Prezidenti İlham Əliyev və birinci xanım Mehriban Əliyeva yürüşdə iştirak ediblər.
Yürüş iştirakçıları Xətai rayonunda ucaldılan Xocalı abidəsinin yerləşdiyi əraziyə gəliblər.
Prezident İlham Əliyev Xocalı soyqırımı abidəsinin önünə əklil qoyub, faciə qurbanlarının xatirəsini ehtiramla yad edib.
Birinci xanım Mehriban Əliyeva, Baş nazir Əli Əsədov, Milli Məclisin sədri Sahibə Qafarova, Prezident Administrasiyasının rəhbəri Samir Nuriyev abidənin önünə gül dəstələri qoyublar.
Ümumxalq yürüşünün iştirakçıları abidənin önünə tər güllər düzüblər.
***
Prezident İlham Əliyev və birinci xanım Mehriban Əliyeva Xocalı soyqırımı faciəsinin 30-cu ildönümü ilə əlaqədar yürüşə qatılıblar.
Dövlət başçısı, birinci vitse-prezident, dövlət rəsmiləri, deputatlar və ictimaiyyət nümayəndələri yürüşdə iştirak edirlər.
Вернуться назад