İlham Əliyev Brüsseldə Paşinyanla görüşəcək

Azərbaycan Prezidenti İlham Əliyev və Ermənistan baş naziri Nikol Paşinyan Avropa İttifaqı Şurasının Prezidenti Şarl Mişellə telefon danışığından sonra 15 dekabrda Brüsseldə Aİ və Şərq Tərəfdaşlığı sammiti çərçivəsində görüş keçirməyə razılıq veriblər.
Bu barədə Avropa İttifaqının açıqlamasında qeyd olunub.

“Avropa İttifaqı Şurasının Prezidenti Şarl Mişel Azərbaycan Prezidenti İlham Əliyevə və Ermənistanın baş naziri Nikol Paşinyana Brüsseldə Aİ-Şərq tərəfdaşlığı sammiti çərçivəsində Brüsseldə görüş keçirməyi təklif edib. Liderlər regional vəziyyətin və gərginliyin aradan qaldırılması yollarının müzakirəsi üçün Brüsseldə görüş keçirməyə razılaşıblar”, - deyə sənəddə qeyd olunub.

Azərbaycan və Ermənistan liderlərinin həmçinin insidentlərin qarşısının alınması mexanizmi kimi iki ölkənin müdafiə nazirləri arasında birbaşa rabitə əlaqəsinin yaradılması məsələsinə razılıq verdikləri bildirilir.