Muradovun vəzifədən alınmasının səbəbi - Türkiyə faktoru...

Rusiya sülhməramlılarının sabiq komandiri general-leytenant Rüstəm Muradovun bu vəzifədən necə uzaqlaşdırıldığı bəlli olub.

“Türkiye Gazetesi” xəbər verir ki, sabiq komandirin uzaqlaşdırılmasına səbəb onun erməni quldur dəstələrinin Azərbaycan əsgərlərinə qarşı təxribat törətməsi, bölgədə silah-sursat və insan alverinə göz yumması olub.

Qəzet R.Muradovun Türkiyə Prezidenti Rəcəb Tayyib Ərdoğanın vəziyyətə müdaxilə etməsi nəticəsində vəzifədən kənarlaşdırıldığını yazıb.

Qeyd edək ki, Azərbaycanın Qarabağ bölgəsində müvəqqəti yerləşdirilən Rusiya sülhməramlıların komandiri general-leytenant Rüstəm Muradovdan sonra bu vəzifəyə general-mayor Mixail Kosobokov təyin olunub. Kosobokovdan 20 gün sonra isə bu vəzifə general-leytenant Gennadi Anaşkinə həvalə olunub.