Pentaqon Qarabağ bəyanatına münasibət bildirib
- 25-11-2020, 11:37
- Siyasət
- 0
- 301
Azərbaycan, Rusiya və Ermənistan liderlərinin üçtərəfli bəyanatının nəticəsinə əsasən Dağlıq Qarabağda hərbi əməliyyatların tam dayandırılması haqqında razılaşmaya riayət edilir. Amerika tərəfi hadisələrin belə inkişafını alqışlayır.
Azvision.az xəbər verir ki, bu barədə ABŞ Müdafiə Nazirliyinin rəsmi nümayəndəsi Conatan Hoffman bildirib.
"Xoşbəxtlikdən deyə bilərəm ki, indi Azərbaycan və Ermənistan arasında göründüyü kimi, bu mərhələdə riayət edilən sülh razılaşması var", - Pentaqon rəsmisi deyib.
Qeyd edək ki, noyabrın 10-da Azərbaycan Respublikasının Prezidenti İlham Əliyev, Rusiya Federasiyasının Prezidenti Vladimir Putin və Ermənistanın baş naziri Nikol Paşinyan arasında Qarabağda hərbi əməliyyatların dayandırılmasına dair bəyanat imzalanıb.
