Qarabağda iğtişaşlar olacaq, Azərbaycan qoşun yeridəcək - Erməni mediası
- 6-09-2023, 15:11
- Siyasət
- 0
- 98
![Qarabağda iğtişaşlar olacaq, Azərbaycan qoşun yeridəcək - Erməni mediası](https://olke.az/photo/770x415/2023/09/06/1693985065_photo_2023-09-05_09-20-10.jpg)
Ermənistan hakimiyyəti Qarabağdakı qondarma rejimin keçmiş “tş” rəhbəri Samvel Babayanın simasında öz “əlaltıları” vasitəsilə fikir ayrılıqlarına səbəb olmağa və “hakimiyyət” dəyişikliyini puç etməyə çalışır.
Bu barədə Ermənistanın “Hraparak” qəzeti yazır.
Nəşr Babayanı Paşinyana yaxın adam kimi təqdim edir və Şahramanyanın “seçkisini” pozmaq, daha doğrusu, Qarabağda iğtişaşlar yaratmaq üçün hər şeyi edəcəyini qeyd edir.
Məqalədə bildirilir ki, onlar öz tərəfdarları ilə fəal görüşlər keçirir və “prezident seçkiləri” ərəfəsində, sentyabrın 8-də Xankəndidə etiraz aksiyaları keçirmək niyyətindədirlər.
“Nəhayət, Azərbaycan Paşinyanın Azərbaycanın ərazi bütövlüyünün tanınması ilə bağlı bəyanatına arxalanaraq, öz ərazisində iğtişaşların qarşısını ala və Artsaxa qoşun yeridə bilər”, - qəzet yazır.