Prezidentdən ərzaqla bağlı hökumətə tapşırıq

Azərbaycan özünü ərzaqla təmin edib, ərzaq təhlükəsizliyini təmin etmək və idxalatı azaltmaq üçün ciddi işlər görülür.

Bunu baş nazir Əli Əsədov parlamentdə çıxışı zamanı deyib.

Baş nazir deyib ki, bununla bağlı Prezident hökumətə müvafiq tapşırıqlar verib: “Prezidentin hökumətə verdiyi tapşıdırlara əsasən, bununla yanaşı, antiinflyasiya istiqamətində təxirəsalınmaz tədbirlər görülməlidir. Bu məqsədlə buğdanın qiymətinin artımı, un və un məmulatları ilə təminatda mənfi  təsirlərin qarşısını almaq üçün güzəştlər tətbiq edilib. Bu istiqamətdə işlər növbəti ildə də həyata keçiriləcək. Bu məqsədlə ərzaq təhlükəsizliyinin təminatı istiqamətində xərclər artırılması nəzərdə tutulur. Bunun üçün növbəti ildə 628 milyon manat vəsait ayrılması planlaşdırılır.

Bundan əlavə olaraq ərzaq təhlükəsizliyi məqsədi ilə 90 günlük ehtiyat yaradılıb. Bundan sonra da əhalinin gəlirlərinin artımı, alıcılıq qabliyyətini artırmaq üçün zəruri addımlar görülür və bundan sonra da görüləcək”.