Laçın şəhərinin mərkəzində Azərbaycanın bayrağı sancıldı: Ali Baş Komandana məruzə -VİDEO
Azərbaycan Ordusunun avqustun 26-da Laçın şəhərini, Zabux və Sus kəndlərini nəzarətə götürməsi Prezident, Ali Baş Komandan İlham Əliyevə məruzə olunub.
Məruzəni Ordu Korpusunun komandiri, general-mayor Kənan Seyidov edib.
“Möhtərəm Prezident, Müzəffər Ali Baş Komandan! Əmrinizə əsasən, Azərbaycan Ordusu Laçın şəhərini, Zabux və Sus yaşayış məntəqələrini tam nəzarətə götürdü. Laçın şəhərinin mərkəzində Azərbaycanın Dövlət bayrağı dalğalanır. Yaşasın Azərbaycan! Yaşasın Müzəffər Ali Baş Komandan! Qarabağ Azərbaycandır!” – məruzədə deyilir.
