Ermənilərin "yemlədiyi" deputat yenə sərsəmlədi - Jirinovskinin yerini tutmağa çalışır - VİDEO
Rusiyada antiazərbaycan və antitürkiyə qüvvələr yenidən fəallaşıb. Qonşu ölkədə erməni lobbisinin təsiri altında olan və onlardan yemlənən qüvvələr qısa fasilədən sonra yenidən sərsəm bəyanatları ilə gündəm gəlməyə çalışır. Bu dəfə isə antiazərbaycan və antitürkiyə bəyanatları ilə tanınan rusiyalı deputat Aleksandr Şerin erməni icmasına xoş gəlməyə çalışıb.
Vladimir Jirinovskinin vəfatından sonra boş qalan Rusiya Liberal Demokrat Partiyasına (RLDP) sədr olmaq üçün mübarizəyə qoşulan deputat yenə də Azərbaycan və Türkiyənin ünvanına hədyanlar yağdırıb, qondarma və artıq mövcud olmayan qondarma "DQR" adlı qurumun adını çəkib. Bununla da Azərbaycan, Ermənistan və Rusiya arasında imzalanan Üçtərəfli sazişin bəndlərinə xələ gətirməyə çalışıb. Qarabağda mövcud olmayan rejimin tör-töküntüsünü "Dağlıq Qarabağ Xalq Respublikası" adlandırıb, Azərbaycanı və Türkiyəni Rusiyaya heç vaxt dost ölkə olmadığını bəyan edib. Şerin ümid edir ki, bu kimi bəyanatlarla özünə reytinq qazandıracaq və sədr postuna yiyələnəcək.
Şerin Jirinovskiyə bənzəməyə çalışır?
Bəli, gün kimi aydındır ki, bu şəxs Azərbaycanla Rusiya arasında olan münasibətləri pozmağa çalışan qüvvələrə xidmət edir. Lakin anlamaq istəmir ki, iki ölkə arasında strateji münasibətlər mövcuddur və belə sərsəm fikirlər münasibətlərə xələl gətirə bilməz. Və ən əsası Şerin və ona bənzər məxluqlara hələ də çatmır ki, Azərbaycan 44 günlük Vətən müharibəsində tarixi qələbə qazanaraq öz ərazi bütövlüyünü təmin edib. "DQR" adlı qondarma qurumun varlığına son qoyub. Sonda da Azərbaycan, Rusiya və Ermənistan dövlət başçıları 10 noyabr 2020-ci il tarixli Üçtərəfli Bəyanat imzalayıb. Ermənistanın KTMT-yə üzvlüyündn fəxrlə danışan deputat Ermənistanın həmin qurumun baş katibini həbs etməsinə nədənsə toxunmur. Ümid etmək olar ki, partiyadaşları belə bir sərsəm dolu fikirlərlə gündəm olan şəxsi sədrliyə yaxın belə buraxmayacaqlar. Əsas namizədlərdən olan Leonid Slutskini özünü rəqib görən Aleksandr Şerin bu mübarizədən ayrı-ayrı ölkələrə qarşı hücumlar təşkil etməklə qalib çıxmaq istəyir.
Ermənilərin yemlədiyi deputat
Maraqlı olan həm də odur ki, bu şəxs Şerin erməni mafiyasının at oynatdığı Krasnodardandır. Azərbaycana hücum etməklə ermənilərə yarınan bu şəxsin erməni lobbisinin xidmətlərindən istifadə etməyə çalışır. Son vaxtlar şəxsi biznesində problemlər yaşayır. Onun kreditorlara yüzmilyonlarla ölçülən borcu var və artıq bir neçə ildir ki, məhkəmə çəkişmələrinin iştirakçısıdır. Şerinin deputat seçilərkən bəyan etmədiyi çoxsaylı daşınmaz əmlakı ilə də bağlı adı qalmaqaldadır. Ailə varidatını hansısa yollarla üç qızının adına keçirməsi və borclarını ödəməkdən yayınmağa çalışdığı barədə də mediada məlumatlar gedib. Çox güman ki, bu səbəblərdən də ermənilərə yarınıb, onlardan pul qoparmağa çalışır. Ümid etmək olar ki, partiyadaşları da belə bir şəxsin sədr postuna gedən yolunu kəsib, layiqli bir namizədə səs verəcəklər.
<embed width="670" height="400" src="https://daytube.az/az/embed/130919" frameborder="0" allowfullscreen></embed>
