Afər Allahverdiyev: Koronavirusla mübarizənin bazasının gücləndirilməsi üçün ölkəmizdə mütəmadi olaraq önləyici tədbirlər görülür
1-10-2021, 15:27. Разместил: admin
National Prime Hospital Neyrocarrah Afər Allahverdiyev - COVİD-19 pandemiyası bütün dünya üçün ciddi çətinliklər doğurmaqda davam edir. Hökumətimiz tərəfindən ilk günlərdən bugünədək əhalinin qorunması və pandemiyanın mənfi təsirinin minumuma endirilməsi məqsədilə mühüm və praktiki tədbirlər həyata keçirilir.
Azərbaycan cari ilin yanvar ayının ortalarından peyvəndlənmə kompaniyasına başlayıb. Hər 100 nəfərə istifadə edilmiş vaksin dozalarının həcmi 80 faizdən artıqdır.
COVİD-19-un təsirinə məruz qalmış əhalinin və sahibkarlıq subyektlərinin dəstəklənməsi üçün 2,7 milyard ABŞ dolları həcmində sosial-iqtisadi paket təqdim edilib.
Azərbaycan dünyada nadir ölkələrdəndir ki, virusa yoluxan xəstələr tibb müəssisələrdə müalicə alır. Azərbaycanın fədakar tibb içiləri xəstələrə çox yüksək səviyyədə xidmət edirlər, onların sağalıb yenidən evlərinə qayıtmaları üçün bütün qüvvələrini sərf edirlər.
23 sentyabr 2021-ci il tarixində Azərbaycan Respublikası Prezidenti cənab İlham Əliyev BMT Baş Assambleyasının 76-cı sessiyasındakı çıxışı zamanı vurğulayıb ki, dünya praktikası tam başqadır. Bir çox ölkələrdə xəstəliyi simptomsuz keçirənlər, xəstəliyə düçar olunmuş şəxslər ev şəraitində müalicə alırlar, onları heç xəstəxanalara da qəbul etmirlər. Əlbəttə ki, bu,onların sağlamlığına təhlükə yaradır. Azərbaycanda koronavirusdan ölənlərin az olmasının səbəbi məhz odur ki, yoluxmuş xəstələr tibbi müəssisələrinə qəbul edilir və onlara lazimi xidmət göstərilir.
Koronavirusla mübarizənin bazasının gücləndirilməsi üçün ölkəmizdə mütəmadi olaraq önləyici tədbirlər görülür.
Вернуться назад