Hacı Şahindən parlamentdə “Allahu Əkbər” qışqıranlara reaksiya - Video

“İzlədiyim zaman gördüm ki, parlamentə daxil olmaq istəyən bir neçə şəxs “Allahu Əkbər” şüarından istifadə edib. Həmin şəxsləri yaxınlaşdırıb baxan zaman onların dinlə həm zahiri, həm də daxili baxımdan heç bir əlaqəsinin olmadığı ortaya çıxır”. 

Bu sözləri ilahiyyatçı Hacı Şahin Həsənli İTV-nin efirində qonaq olan zaman deyib. Bildirib ki, “Allahu Əkbər” ifadəsi sadəcə Allahın böyük adının yad edilməsidir:

“O qədər bu şüardan yersiz istifadə ediblər, müsəlmanların başını kəsərkən səsləndiriblər və artıq bu şüarla bağlı insanlarda qorxunc bir vahimə formalaşıb. Orada birliyə, vəhdətə dəvət edən fikirlər səsləndirilməli idi. Mən bunu birmənalı şəkildə, tam məsuliyyətlə deyirəm ki, Azərbaycanda yaşayan böyük əksəriyyət inanclıdır və bu kəsim hər zaman orduya dəstəklə yanaşıb. Din çox həssas sahədir. Bu yolla manipulyasiya çox aktual mövzudur”.

<embed src="https://www.facebook.com/plugins/video.php?href=https%3A%2F%2Fwww.facebook.com%2FHaciShahinHasanli%2Fvideos%2F311216213354849%2F&show_text=0&width=560" width="560" height="280" style="border:none;overflow:hidden" scrolling="no" frameborder="0" allowTransparency="true" allowFullScreen="true"></embed>