Hacı Eldayaq Huseynov: Mərhəmət insanın təfəkkürü və iradəsi ilə bağlı olan bir xüsusiyyətdir
- 30-11-2023, 14:34
- Mədəniyyət
- 0
- 137
Yaşayıb-yaşayıb ömrün yetkin bir mərhələsinə çatanda və çevrilib arxada qalan onilliklərə nəzər salanda, xatırlamağa, arxalanmağa, öyünməyə nəsə tapa bilirsənsə, yaşadıqlarına görə təəssüflənmirsənsə, deməli, ömrün hədər getməyib.
Deməli, ALLAHIN bəxş etdiyi ömrü doğru-düzgün yaşamaq, ədalətli, xeyirxah, el-oba, cəmiyyət üçün lazımlı, gərəkli olmaq, haqqı-nahaqqa verməmək, başqalarının haqqını tapdamamaq kimi dəyərlərə sadiq qalmağı bacarmısan. Belə yaşamaq, əlbəttə, hər kəsə nəsib olmur.
Amma dünya belə dəyərli, qiymətli insanlardan xali də deyil. Bu yazıda məhz elə insanlardan birinin - gözəl insan, xeyriyyəçi İmam Həsən Məscidinin axundu Hacı Eldayaq Huseynovun keçdiyi mənalı ömür yoluna qısa da olsa, nəzər salmağa çalışacağıq.
Dünyaya göz açan hər bir kəsin, öz yolu, öz cığırı olur. Bu da əzəli məlum, sonu ALLAHIN qismətindən asılı ömür yoludur. Deyirlər, öz dünyasında olan insanın söz və əməl dünyası saleh olur. Bu yolu şərəflə, ləqayətlə, inam və imanla addımlayan İmam Həsən Məscidinin axundu Hacı Eldayaq Huseynov Vətənə ləyaqət nümunəsi sayılacaq vəzifə sahiblərindəndir.
İmam Həsən Məscidinin axundu Hacı Eldayaq Huseynov Azərbaycan dövlətinə sədaqəti, yüksək peşəkarlığı və öz işində hər zaman nümayiş etdirdiyi prinsipiallığı ona göstərilmiş bu yüksək etimadı qazanmaq və doğrultmaq üçün kifayət edə biləcək bir səviyyədədir.
Mərhəmət - insanın ən gözəl xüsusiyyətlərindən biridir. Mərhəmət insanın təfəkkürü və iradəsi ilə bağlı olan bir xüsusiyyətdir.
Mərhəmət, hər kəsin yaxşılığını istəyib, onlara kömək etməyi arzulamaqdır.
Həqiqi mərhəmətin qaynağı Allah sevgisidir.
İnsanın Allaha olan sevgisi, Onun yaratdığı varlıqlara qarşı ürəyində bir istilik hiss etməsinə və mərhəmətli davranmasına səbəb olar.
