Astaradakı güllələnmənin TƏFƏRRÜATI - “Qardaşımın yoldaşı ilə əxlaqsız kliplər çəkib” - VİDEO

Astara rayonunun Şüvi kəndində baş vermiş güllələnmə hadisəsinin təfərrüatı məlum olub.

Qətli törədən şəxsin qardaşı Fazil İsrafilovun sözlərinə görə, Bəşir silahı götürərək Namiqin evinə gedib və orada atəş açıb:

"Namiq qardaşımın yoldaşı ilə əxlaqsız kliplər çəkib. Bəşir hadisəni törətdikdən sonra evə gələrək özünə atəş açıb" .

Mərhumun həyat yoldaşı Çiçək Əhədova isə deyilənlərin şər-böhtan olduğunu bildirib:

"Mən işdə idim, həyat yoldaşım evdə tək idi. Dedilər ki, qonşu tüfənglə vurub gedib. Bəşir evə başqa qadın gətirib, yoldaşı isə ona evdən gedəcəyini deyib. Bizə də anasına zəng etmək üçün gəlmişdi".

Qeyd edək ki, Bəşir və Namiq həm qohum, həm dost, həm də yaxın qonşu olublar. Öldürülən Namiq üç uşaq atası olub. Onun xərçəng xəstəliyindən əziyyət çəkirdiyi deyilir.

Faktla bağlı Astara Rayon Prokurorluğunda Cinayət Məcəlləsinin 120.1 maddəsi ilə (qəsdən adam öldürmə maddəsi) cinayət işi başlanılaraq, istintaq aparılır. Bəşir İsrafilov xəstəxanaya yerləşdirilib və polis mühafizəsi altında saxlanılaraq, ona tibbi yardım göstərilir.

Ətraflı Baku TV-nin süjetində:

<embed width="640" height="360" src="https://player.olke.az?v=32833&share_user_id=" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></embed>