Quba sakini həmyerlisinə hədə-qorxu gəlib TƏCAVÜZ ETDİ

Quba rayonunda qadına təcavüz etməkdə şübhəli bilinən Laçın Dadaşovun cinayət işi üzrə ibtidai istintaq başa çatıb.
"Ölkə.Az" xəbər verir ki, cinayət işinin materialları baxılması üçün Bakı Ağır Cinayətlər Məhkəməsinə göndərilib.

Cinayət işi hakim Əfqan Hacıyevin icraatına verilib.

İş üzrə məhkəmə hazırlıq iclası sentyabrıb 8-nə təyin olunub.

Qeyd edək ki, Quba rayon sakini Laçın Dadaşov rayon ərazisində həmyerlisi M.A-ya (ad və soyad şərti verilib – red.) təcavüz etməkdə təqsirli bilinir.
Belə ki, o, M.A-nın köməksiz vəziyyətindən istifadə edib və zorakılıq göstərməklə onunla cinsi əlaqədə olub.

Daha sonra Laçın Dadaşov təcavüzə məruz qoyduğu qadına hədə-qorxu gəlib, onunla bir neçə dəfə də cinsi əlaqədə olub.

Zərərçəkmiş hüquq-mühafizə orqanlarına şikayət edib. Şikayət əsasında Laçın Dadaşov həbs edilib.

İstintaq orqanı tərəfindən Laçın Dadaşovun barəsində Cinayət Məcəlləsinin 149.1-ci (zorlama, yəni zərərçəkmiş şəxsə və ya başqa şəxslərə qarşı zor tətbiq etməklə və ya belə zor tətbiq etmə hədəsi ilə və ya zərərçəkmiş şəxsin köməksiz vəziyyətindən istifadə etməklə onunla cinsi əlaqədə olma) maddəsi ilə ittiham elan edilib.