Ağsuda qəsdən yanğın törədən şəxsin kimliyi məlum oldu - FOTO
- 5-07-2022, 10:24
- Kriminal
- 0
- 247
Ağsuda qəsdən yanğın törədən şəxs müəyyən edilib.
Bu barədə Fövqəladə Hallar Nazirliyindən (FHN) məlumat verilib.
Bildirilib ki, Ağsu şəhəri, Cavanşir küçəsində iyunun 24-də yanğın hadisəsi baş verib.
Yanğının genişlənərək ətrafa yayılma, o cümlədən yaxınlıqdakı evə və qaz xəttinə keçmə təhlükəsi yaranıb. Nazirliyin yanğınsöndürmə qüvvələrinin səyi ilə yanğın genişlənməsinə imkan verilmədən qısa müddətdə söndürülüb.
Faktla əlaqədar FHN-in Dövlət Yanğın Nəzarəti Xidmətinin əməkdaşları tərəfindən yanğını qəsdən törətməkdə şübhəli bilinən Ağsu rayon sakini Qasımov Tural İfadə oğlu müəyyən edilib. T.Qasımov yanğını sərxoş vəziyyətdə törətdiyini etiraf edib.
Hazırda faktla bağlı araşdırma aparılır.
