Şamaxıda baxımsız qalan azyaşlılarla bağlı RƏSMİ AÇIQLAMA
- 17-01-2022, 15:30
- Kriminal
- 0
- 222
Şamaxının İkinci Çaylı kəndində baxımsız vəziyyətdə yaşayan 5 azyaşlı uşağın məişət zorakılığı ilə üzləşdiyi müəyyən edildiyindən onlar Əmək və Əhalinin Sosial Müdafiəsi Nazirliyinin tabeliyində Sosial Xidmətləri Agentliyinin Həssas əhali qruplarından olan şəxslər üçün sığınacaq və sosial reabilitasiya müəssisəsinə yerləşdiriləcək.
Bu barədə "Ölkə.Az"a qurumdan bildirilib.
Məlumata əsasən, azyaşlılar məişət zorakılığından zərərçəkənlərlə bağlı xüsusi şöbədə reabilitasiya prosesi keçəcəklər. Prosesin davamında uşaqların reabilitasiyasının nəticəsinə uyğun olaraq onların rifahı üçün aidiyyatı tədbirlər görülməsi barədə qərar qəbul ediləcək.
