Azərbaycanda hərbi helikopter qəzaya uğradı - Ölənlər və yaralananlar var
- 30-11-2021, 13:09
- Kriminal
- 0
- 203
Dövlət Sərhəd Xidməti və Baş Prokurorluq birgə məlumat yayıb.
"Ölkə.Az" xəbər verir ki, məlumatda deyilir:
"Bu gün saat 10:40 radələrində Dövlət Sərhəd Xidmətinin hərbi helikopteri Xızı rayonu ərazisində yerləşən “Qaraheybət” aviasiya poliqonunda təlim uçuşları yerinə yetirərkən qəzaya uğrayıb.
Qəza nəticəsində helikopterin heyəti arasında həlak olanlar və yaralananlar var.
Dövlət Sərhəd Xidmətinin və Baş Prokurorluğun rəhbər heyəti hadisə yerindədir. Hadisə ilə əlaqədar birgə araşdırma tədbirləri həyata keçirilir".
