Avstraliya iqtisadiyyatında 29 ildən sonra ilk yaşandı
2-09-2020, 11:55. Разместил: admin
Avstraliya iqtisadiyyatı COVID-19 pandemiyası səbəbindən 29 ildən sonra ilk dəfə resessiya dövrünə girib.
Avstraliya Statistika İnstitutunun açıqlamasına görə, şirkətlərin bağlanmasına və minlərlə insanın işsiz qalmasına səbəb olan koronavirus, mövsümi olaraq tənzimlənmiş ÜDM-in ilin ikinci rübündə əvvəlki dövrə görə 7.0% azalmasına gətirib çıxarıb. Proqnozlaşdırılan göstərici isə 6 % olub.
İqtisadi kiçilmə illik bazada 6.3% -ə çatıb. Analitiklər proqnozlarında isə 5.2%-lik azalma gözlənilirdi.
“Qlobal pandemiya və bununla bağlı görülən tədbirlər ÜDM-də 7 %-lik azalmaya səbəb oldu. Bu, 1959-cu ildə qeydiyyatın başlamasından bu günə qədər qeydə alınmış ən böyük 3 aylıq geriləmədir”,- deyə Avstraliya Statistika İnstitutunun Baş İqtisadçısı Brus Hokman bildirib.
Qeyd edək ki, iqtisadçıların proqnozlarına görə, pandemiya Avstraliyada bu il 184 milyard dollarlıq büdcə kəsrinə səbəb olacaq.
Вернуться назад