Neft qiymətlərində ciddi artım - SƏBƏB
- 13-04-2022, 10:36
- İqtisadiyyat
- 0
- 191
Neft bazarında yenidən qiymət artımı müşahidə olunub.
Xam neftin qiyməti Rusiyadan neft tədarükündən imtina ilə bağlı narahatlıqlar və Çindəki pandemiya məhdudiyyətlərinin yumşala biləcəyinə dair ehtimallar səbəbindən bir barel üçün 100 dolları keçib.
Belə ki, ABŞ xam nefti son ticarətdə 7% bahalaşaraq 1 barel üçün 100,84 dollar olub. Dünya bazarında "Brent" markalı neft 6,2% bahalaşaraq bareli 104,62 dollara çatıb.
Qeyd edək ki, neft qiymətləri Çində tələbin aşağı düşəcəyi ilə bağlı narahatlıqlar səbəbindən bazar ertəsi günü Ukraynada müharibənin başlamasından bəri ən aşağı səviyyəyə enmişdi.
Eyni zamanda, OPEC çərşənbə axşamı Ukraynadakı müharibə və Moskvaya tətbiq edilən sanksiyalar səbəbindən 2022-ci ildə Rusiya neftinin hasilatı ilə bağlı proqnozunu 530 min barel azaldıb. OPEC bu il ABŞ-ın hasilatı ilə bağlı proqnozunu da artıraraq gündə yalnız 260 000 barel müəyyən edib.
