Bakıda peşəkarlar arasında reytinq yarışları təşkil olunacaq
10-07-2022, 16:48. Разместил: admin
Bütün dünyada olduğu kimi, Azərbaycanda da əlbəyaxa döyüş növlərinə maraq getdikcə artır. Əlbəttə ki, Azərbaycan da bu yönümdə müxtəlif yarışlar keçirilir.
AİA.Az xəbər verirki,15-17 İyul 2022 - ci il tarixlərdə, Bakı şəhərində Azərbaycan Universal Döyüş Federasiyası və Qartal Peşəkar İdman Klubunun birgə layihəsi olan, Peşəkarlar Arasında Reytinq Yarışları təşkil olunur. Tədbir Kəhriz sularının baş sponsorluğu, və Academy Qalib Hazırlıq Kurslarının, Berq Enerji Içkilərinin, Oksigen Klinikasının, Qartal Mühafizə Xidmətinin, Qartal Media Reklam şirkətinin sponsorluqlari ilə həyata keçəcək.
Yarışın keçirilməsində Azərbaycan Universal Döyüş Federasiyasının fəaliyyəti xüsusilə qeyd olunmalıdır. Federasiyanın prezidenti, SSRİ İdman ustası, Əməkdar Məşqçi, Azərbaycan Respublikası Əməkdar Bədən Tərbiyəsi və İdman Xadimi Azər Həsənovun böyük əməyi olmuşdur.
Yarışa Azərbaycan idmançıları ilə yanaşı Türkiyə, Gürcüstan və İran idmançıları da qatılacaqlar.
Tədbiri dəfələrlə Azərbaycan, Rusiya, Gürcüstan, Türkiyə və Qazaxıstanda peşəkar yarışları təşkil edən, peşəkar idman tədbirləri təşkilatçısı, Qartal Peşəkar İdman Klubunun Prezidenti Yaqub İbrahimovdur.
Вернуться назад