Mahir Emreli üçün fəlakət göstəricisi

Polşa Ekstraklasasının son turu çərçivəsində Zabrzedə "Qornik"ə (2:3) uduzan "Legia" liqada ardıcıl 7 dəfə məğlub olub. 

Fanat.az xəbər verir ki, ikinci hissənin startında əvəzetmədən oyuna qoşulan Azərbaycan millisinin üzvü Mahir Emreli 56-cı dəqiqədə fərqlənsə də, VAR-a baxan baş hakim ofsayd işarəsi ilə hücumçumuzun qolunu qeydə almayıb.

Beləliklə, Varşava klubu 1936-cı ildəki antirekordunu təkrarlayıb. Liqada sonuncu dəfə belə bir fəlakət 85 il əvvəl baş verib. “Legiya” həmin mövsüm cəmi 8 xal toplayıb, turnir cədvəlinin sonuncu pilləsində qərarlaşıb və 105 illik tarixində yalnız bir dəfə yüksək liqanı tərk edib.