"Riyaziyyat-ədədlərin sehirli dünyası" adlı tədbir keçirildi- FOTO/VIDEO
24-03-2023, 18:15. Разместил: admin
Pi gününə həsr olunmuş tədbir
14 mart tarixində 193 nömrəli tam orta məktəbdə Beynəlxalq Pi gününə həsr olunmuş "Riyaziyyat-ədədlərin sehirli dünyası" adlı tədbir keçirildi. Tədbirdə 8-ci və 9-cu sinif şagirdləri Riyaziyyatın tarixi, riyaziyyatın müxtəlif peşə sahibləri üçün rolu haqqında məlumat verdi. Dahi alimlərdən stat gətirildi. Tədbirdə riyazi hesablamalarda gizlənən sehirbaz səhnəsi iştirakçıların marağına səbəb oldu. Daha sonra tədbir iştirakçıları 2-ci sinif şagirdlərinin təqdimatındakı tapmacaları cavablandırdılar.
Tədbirin sonunda məktəbin bir neçə ölkənin iştirak etdiyi “Dramath” adlı etwining layihəsinin iştirakçıları olan şagirdləri Pi səhnəciyi adlı zamana səhayət səhnəciyini nümayiş etdirdilər. Səhnəcikdə şagirdlər Evklid, Albert Eynşeyn və Aristotel kimi alimlərin dilində maraqlı fikirlər səsləndirdilər. Pi simfoniyası və riyaziyyatla bağlı musiqi tədbirə rəng qatdı. Sonda məktəbin direktoru Nihal Haciyeva riyaziyyatçıları və riyaziyyatsevərləri Beynəlxaql Pi günün münasibətilə təbrik etdi.Pi ədədindəki rəqəmlərin sonsuz sayda olmasından danışdı və Pi günün tarixi ilə bağlı şagirdlərə məlumat verdi. Məktəbin riyaziyyat müəllimi, riyaziyyat dərsliklərinin həmmüəllifi Günay Hüseynzadə tədbir üçün nəyə görə “Riyaziyyat-ədədlərin sehirli dünyası” adını seçdikləri haqqında məlumat verərək əsas ideyası rəqəmlər fəlsəfəsi olan dahi riyaziyyatçı Pifaqordan sitat gətirdi: ”Riyaziyyatın yüksək vəzifəsi bizi əhatə edən qarmaqarışıqlar içərisində nizamı tapıb üzə çıxartmaqdır. Bu işdə bizə ədədlər kömək edir.” Tədbirin şagirdlərin riyaziyyata marağının artmağında rolu olacağına inandığını bildirdi.
Вернуться назад