Musa Şəkiliyev: Azərbaycan təşəbbüsləri reallığa çevirən ölkə olduğunu uğurlu addımları ilə təsdiqləyir
6-07-2022, 11:20. Разместил: admin
Aşağı Malax kəndinin sakinləri ilə növbəti səyyar görüş keçirilmişdir
Aşağı Malax kəndində 1 iyul 2022-ci il tarixində Azərbaycan Respublikasının Prezidenti cənab İlham Əliyevin tapşırığına uyğun olaraq rayon İcra Hakimiyyətinin başçısı Musa Şəkiliyevin səyyar qəbulu-görüşü keçirilmişdir.
Rayonun hüquq-mühafizə orqanları və aidiyyəti qurumlarının rəhbərlərinin iştirakı ilə keçirilən qəbulda vətəndaşlar tərəfindən müraciətlər dinlənilmişdir. Müraciətlər kənddaxili yolların, telefon xətlərinin təmir olunmasına və qəzalı elektrik dirəklərinin dəyişdirilməsinə köməklik göstərilməsi ilə bağlı olmuşdur.
Qəbulda iştirak edən vətəndaşların müraciətləri dinlənilmiş, qaldırılan məsələlərin həlli ilə bağlı aidiyyəti qurumlara müvafiq tapşırıq və tövsiyələr verilmişdir. Sonda vətən müharibəsi iştirakçıları ilə görüş təşkil olunmuşdur.
Sakinlərlə növbəti səyyar görüş keçirilmişdir
Zərnə kəndində 28 iyun 2022-ci il tarixində Azərbaycan Respublikasının Prezidenti cənab İlham Əliyevin tapşırığına uyğun olaraq rayon İcra Hakimiyyətinin başçısı Musa Şəkiliyevin səyyar qəbulu-görüşü keçirilmişdir.
Rayonun hüquq-mühafizə orqanları və aidiyyəti qurumlarının rəhbərlərinin iştirakı ilə keçirilən qəbulda vətəndaşlar tərəfindən müraciətlər dinlənilmişdir. Müraciətlər kənddə içməli su xəttinin təmir olunmasına, kənd yolunun texnika vasitəsi ilə hamarlanmasına, elektrik enerjisi təminatında tez-tez yaranan fasilələrin aradan qaldırılmasına köməklik göstərilməsi ilə bağlı olmuşdur.
Qəbulda qaldırılan məsələlərin həlli ilə bağlı aidiyyəti qurumlara müvafiq tapşırıq və tövsiyələr verilmişdir. Sonda şəhid və qazi ailələri ilə görüş təşkil olunmuşdur.
Qax rayon İcra Hakimiyyətinin başçısı Musa Şəkiliyev - Azərbaycanın dünya birliyində artan rolu onun ədalətə və beynəlxalq hüquqa əsaslanan mövqeyinin təqdimatında əhəmiyyətli rol oynayır. Müasir müstəqil Azərbaycan dövlətinin qurucusu, ulu öndər Heydər Əliyev müstəqillik yollarında ilk addımlarını atan dövlətin qarşısında dayanan vəzifələrdən bəhs edərkən xarici siyasət kursunun düzgün müəyyənləşdirilməsini, bu fonda ikitərəfli və çoxtərəfli çərçivədə əlaqələrin inkişafını xüsusi qeyd etmişdir. Azərbaycanın bu sahədə qazandığı uğurlar möhkəm təmələ əsaslanır. Belə ki, Ümummilli Liderin siyasi kursunu bütün sahələrdə uğurla davam etdirən Prezident İlham Əliyevin təkmilləşməni, yeniləşməni özündə birləşdirən siyasəti nəticəsində Azərbaycan tarixi Zəfərə imza atdı və hazırda möhtəşəm Qələbənin reallıqlarını yaşayır. Azərbaycan xalqı bu Zəfəri ilə yenilməzliyini, məğrurluğunu, torpaq, Vətən sevgisini nümayiş etdirdi. Eyni zamanda, Azərbaycan daim bölgədə dayanıqlı sülhün və inkişafın tərəfdarı olduğunu bəyan edib və bunu atdığı addımları ilə təsdiqləyir. İyunun 30-da Qoşulmama Hərəkatı Parlament Şəbəkəsinin “Dünyada sülhün və dayanıqlı inkişafın təşviqində milli parlamentlərin rolunun gücləndirilməsi” mövzusuna həsr olunan Bakı konfransı bir daha Azərbaycanın uğurlarının, dəyişməz mövqeyinin, daha yaxşı gələcəyə nail olmaq üçün müəyyənləşdirdiyi hədəflərin təqdimatında əhəmiyyətli rol oynadı.
Qoşulmama Hərəkatı Birləşmiş Millətlər Təşkilatından sonra ikinci ən böyük beynəlxalq təsisatdır. Azərbaycan Qoşulmama Hərəkatının sədri olaraq ədalətsizliyə, beynəlxalq hüququn pozulmasına, müxtəlif münaqişələrə qarşı sərgilənən ayrı-seçkiliyə qarşı mübarizə aparır və bunu daim davam etdirəcəyini bildirir. Dövlət başçısı İlham Əliyev Bakı konfransında bir daha diqqəti tarixə qovuşan Qarabağ münaqişəsinə yanaşmada dünyanın ikili standartlara əsaslanan siyasətinə yönəldərək Azərbaycanın torpaqlarını işğaldan azad etmək üçün göstərdiyi səylərdən geniş bəhs etdi. Bir daha Azərbaycanın dünyada ən böyük ədalətsizliklə üzləşmiş ölkələrdən biri olduğu diqqətə çatdırıldı. Reallıq budur ki, ərazimizin 20 faizinin Ermənistan tərəfindən işğal edilməsi etnik təmizləmə ilə nəticələnmişdi. Bir milyon azərbaycanlı qaçqın və məcburi köçkün vəziyyətinə düşmüşdü. Dünya bu reallıqlara göz yumaraq etimadsızlıq mühitinin formalaşmasına gətirib çıxarmışdı. Azərbaycan 44 günlük İkinci Qarabağ müharibəsində 30 ilin işğalına son qoydu, ədaləti bərpa etdi. Dövlət başçısının nitqində bu məqam da xüsusi yer aldı ki, Azərbaycan xalqı 30 il beynəlxalq ictimaiyyətin ədalətsizliyə və işğala son qoyulmasına yardım edəcəyini gözlədi. Bu məqsədlə ATƏT 1992-ci ildə Minsk qrupunu təsis etdi və o, bu münaqişənin həll yolunu tapmalı idi. Minsk qrupunun fəaliyyətinin yeganə məqsədi münaqişəni dondurmaq və torpaqlarımızı əbədi işğal altında saxlamaqdan ibarət idi.
Azərbaycanın münaqişəni həll etməsindən, işğala son qoymasından, özünün ərazi bütövlüyünü hərbi-siyasi yollarla bərpa etməsindən sonra Minsk qrupuna ehtiyacın olmadığını bildirən ölkə Prezidenti İlham Əliyev vurguladı ki, Minsk qrupuna artıq əlvida demişik. Təəssüflər olsun ki, Ermənistan və digərləri onu həyata qaytarmağa çalışır. Lakin bu, mümkünsüzdür. ATƏT-in Minsk qrupu ilə bağlı hər hansı spekulyasiya nəinki qeyri-məhsuldardır, eyni zamanda, regionda mümkün sülhün bərqərar olması üçün dağıdıcı təsirə malikdir.
Bakı konfransı Azərbaycanın Qoşulmama Hərkatında mövqeyinin möhkəmlənməsinə də işıq saldı. Belə ki, dövlət başçısı İlham Əliyev diqqəti ölkəmizin quruma sədrlik müddətinin bir il uzadılmasına yönəldərək bildirdi ki, 44 günlük İkinci Qarabağ müharibəsində Qoşulmama Hərəkatının üzv dövlətlərinin böyük dəstəyinin şahidi olduq. Azərbaycan torpaqlarını işğaldan azad etmək üçün öz torpaqlarında savaşırdı. Ədaləti, beynəlxalq hüququ bərpa edirdik. Lakin əfsuslar olsun ki, bəzi ölkələr Azərbaycana qarşı qarayaxma, böhtan və şantaj kampaniyasına başladı, haqq işimizi BMT, onun Təhlükəsizlik Şurası səviyyəsinə çıxarmağa cəhd etdi. Lakin həmin vaxt Təhlükəsizlik Şurasının qeyri-daimi üzvü olan, Qoşulmama Hərəkatında təmsil olunan ölkələr anti-Azərbaycan mahiyyətli bəyanatı blokladılar. Bununla da ermənipərəst qlobal qüvvələrin Azərbaycana qarşı hücumuna mane oldular.
Bu gün böyük qürurla tarixi Zəfərimizdən bəhs edirik. Azərbaycanın Vətən müharibəsində Zəfəri bütün uğurlarımızın zirvəsində dayanaraq gələcək hədəflərin müəyyənləşdirilməsində stimulverici amildir. Dövlət başçısı İlham Əliyev Bakı konfransında hazırkı dövrün yeni reallıqları fonunda bu çağırışı etdi ki, səylərimizi səfərbər edərək potensialı və həmrəyliyi gücləndirməli, vahid mövqedən çıxış etməliyik. Qoşulmama Hərəkatı ölkələrimizin maraqlarının müdafiəsi üçün platforma rolunu oynaya bilər. Çünki Qoşulmama Hərəkatının bir çox üzvü oxşar tarix və problemlərə malikdir. Bir çox hallarda ədalətsizliklə üzləşib və öz milli maraqlarını müdafiə etməyə çalışır. Biz bunu birlikdə edə bilərik. Azərbaycanın Qoşulmama Hərəkatının sədri qismində irəli sürdüyü təşəbbüslər həmrəyliyi və qarşılıqlı dəstəyi möhkəmləndirməyə, təsisatımızın institusional inkişafına və bəlkə də müəyyən mərhələdə onu təşkilata çevrilməsinə yönəlib.
Вернуться назад