Jurnalist Həbib Müntəzir Əli Həsənova müraciət etdi: Villanın yerini tapdım. Qaytar dövlətə!
"Nərimanov rayonunda əmlakımı tapsanız dövlətə bağışlayacağam" deyən Əli Həsənova jurnalist Həbib Müntəzirdən sensasion cavab gəlib.
"Nərimanov rayonu, Murtuza Nağıyev və İsmayıl Hidayətzadə küçəsində yerləşən Şəkərbala uşaq bağçası ilə üzbəüz olan park zəbt edilib, xeyli sayda ağaclar kəsilib və orda 2 villa tikilib. Biri Nərimanovun icra başçısı Abdin Fərzəliyevə, digəri isə Prezident Administrasiyasının sabiq şöbə müdiri Əli Həsənova məxsusdur”.
"Ölkə.Az"ın xəbərinə görə bu barədə məlumatı jurnalist Həbib Müntəzir yayıb.
"Hər 2 villanı də Nərimanov rayonunda qeyri-qanuni tikintilərə nəzarət edən icra hakimiyyətinin işçisi Nurlan Həsənov tikdirib və onlara hədiyyə edib. Ərazi 20 sotdur, özü də parkın içində qanunsuz tikilib. 4 mərtəbəli ağlaylı villadır. Hər iki villa sökülməlidir və park əvvəlki vəziyyətinə qayıtmalıdır.
Əli Həsənov demişdi ki, sübut eləsəm bağışlayacaq. Buyursun, inkar edə bilirsə etsin, yoxsa bağışlasın, burda da burcutmasın”.
Sfera.az-a daxil olan daha bir məlumata görə isə Londonda yaşayan müxalif hüquqşünas Qurban Məmmədova hədiyyə edilən obyekt və mənzillər də bu villaların qonşuluğunda yerləşir.
