Xudafərin Teatrı DAYAQ, MİRİİB təşkilatları ilə birgə teatr tamaşası təşkil edib
18-i fevral Bakı gənclər mərkəzində Ümumilli Liderimiz Ulu Öndər Heydər Əliyevin 100 illik yubileyinə həsr olunan, Xudafərin teatrının "Heydər Əliyev və əbədi zəfərə aparan yolu" adlı tamaşasının ilk təqdimati keçirildi .Təqdimatda Millət vəkilləri, şəhid ailələri, qazilərimiz, müharibə veteranları, media nümayəndələri, Türk sinemasının tanınan siması Ertoğrul bəy və digər QHT-nin nümayəndələri də iştirak etdi. Teatrda tamaşaya qoyulan səhnə sözün əsl mənasında tamaşaçıları kövrəltdi. Onu da vurğulayım ki, tamaşada İkinci Vətən Müharibəsi qazisi Şaməddinin vətən müharibəsinə könüllü olaraq yollanması və ağır müharibə dönəmində ailənin keçirdiyi sarsıntıdan, Şaməddinin aldiği yaralardan, gözlərinin görmə qabiliyyətini itirməsinə baxmayaraq, bu günkü gündə həyata, yaşamağa, vətənə olan böyük sevgisindən söhbət açılıb. Tamaşanın səhnələşdirilib tamaşaçıların ixtiyarına verilməsində, ərsəyə gəlməsində Millət vəkili Elman Nəsirov, "Dayaq" Vətən Müharibəsi Əlillərinə və Şəhid ailələrinə dəstək təşkilatının sədr müavini Məcid Məmmədov, Müasir İnternet Resurslarının İnkişafı İctimai Birliyinin sədri Zamin Zeynal, Gənclərin İnkişafına Dəstək İctimai Birliyinin sədri Məhəmməd Məmmədov, Nizami RİH- nin əməkdaşı Könül İsmayılova, Şəhid ailələri, Qazilər, tanınmış ictimai fəal şəxslər iştirak edərək çıxış ediblər.
Teatrın rəhbəri Günel Əmirovaya "Zeferyolu.az" ve "Xezertv.info" saytı olaraq dərin təşəkkürümüzü bildiririk.
Jalə Ağakişiqızı
“Zeferyolu.az” İA-nin rəhbəri
