Musa Şəkiliyev: Qarabağı əsl cənnətə çeviririk
Qax Dövlət Kukla Teatrının 50 yaşı tamam olub
Qax Dövlət Kukla Teatrında bu sənət ocağının yaranmasının 50 illiyinə həsr olunmuş yubiley tədbiri keçirilib. Rayon rəhbərliyinin, sənət adamlarının, azyaşlı tamaşaçıların iştirak etdiyi yubiley tədbirində ötən müddətdə teatrın qazandığı uğurlardan söz açılıb. Bildirilib ki, Qax rayon mədəniyyət evinin nəzdində 1971-cü ildən dərnək, 1976-cı ildən isə xalq teatrı kimi fəaliyyət göstərən bu teatra 1992-ci ildə Dövlət Kukla Teatrı statusu verilib. Teatr 2005-ci ildə Azərbaycan Teatr Xadimləri İttifaqının təsis etdiyi “Qızıl Dərviş” mükafatına layiq görülüb.
Ötən illər ərzində Qax teatrı dəfələrlə respublikamızda, eləcə də xarici ölkələrdə keçirilən beynəlxalq festivallarda iştirak edib, uğur qazanıb. Yaradıcı kollektiv 1993-cü ildə mono tamaşalar festivalında iştirak edib. İlk dəfə 1997-ci ildə Gürcüstanda qastrol səfərində olub. 2003-cü ildə Bakı şəhərində keçirilən uşaq tamaşaları festivalında iştirak edib və festivalın diplomunu qazanıb.
Qax teatrı 2005-ci ildə Türkiyənin İzmir şəhərində keçirilən “Uluslararası kukla və kölgə oyunları” festivalında, 2009-2010-cu illərdə Estoniyanın Viliandi və Tallin şəhərlərində keçirilən beynəlxalq festivallarda, 2014-cü ildə Rusiya Federasiyasının Həştərxan vilayətində keçirilən “Xəzər sahili”, 2016-cı ildə isə Ukraynada təşkil olunan Beynəlxalq kukla teatrları festivallarında ölkəmizi layiqincə təmsil edib, mükafata layiq görülüb.
Teatr, eyni zamanda, 2008-ci və 2010-cu illərdə ölkəmizdə keçirilən I və II Respublika kukla teatrları həftəsində, 2011-ci və 2013-cü illərdə isə I və II Beynəlxalq kukla teatrları festivalında uğurla çıxış edərək diplomlarla mükafatlandırılıb. Teatrda 1992-ci ildən bu günədək 82, yaranandan bəri isə 150-dək tamaşa hazırlanıb.
Diqqətə çatdırılıb ki, uğurlu fəaliyyətinə görə, kollektivin 2 üzvü “Əməkdar mədəniyyət işçisi”, bir üzvü “Əməkdar artist” fəxri adlarına layiq görülüb, 4 əməkdaşı fəxri döş nişanı ilə təltif olunub. 2022-ci ildə teatrın yaradıcı və texniki heyətindən 3 nəfərə Mədəniyyət Nazirliyinin Fəxri fərmani verilib.
Teatrın direktoru Seymur Vəliyev, baş rejissoru Əməkdar artist, Prezident mükafatçısı Yusif Abdurahmanovdur.
Yubiley tədbirində çıxış edənlər kollektivə gələcək fəaliyyətində uğurlar arzulayıblar.
RİH başçısının Ağyazı kəndində sakinlərlə növbəti səyyar görüşü keçirilmişdir
Ağyazı kəndində 15 noyabr 2022-ci il tarixində Azərbaycan Respublikasının Prezidenti cənab İlham Əliyevin tapşırığına uyğun olaraq rayon İcra Hakimiyyətinin başçısı Musa Şəkiliyevin səyyar qəbulu-görüşü keçirilmişdir.
Rayonun hüquq-mühafizə orqanları və aidiyyəti qurumlarının rəhbərlərinin iştirakı ilə keçirilən qəbulda vətəndaşların müraciətləri dinlənilmişdir. Müraciətlər kəndə qaz çəkilişinin tezləşdirilməsinə, odun yanacağının verilməsinə , pay torpaq sahəsi yararsız olduğu üçün əvəzində bələdiyyənin ehtiyat fondundan torpaq sahəsinin verilməsinə, kənd məktəbinin dam örtüyünün təmir olunmasına, xəstəliyi ilə əlaqədar dərman təchizatının yaxılaşdırılmasına və ailə vəziyyətinin çətin olduğunu nəzərə alaraq evinin təmirinə köməklik göstərilməsi ilə bağlı olmuşdur.
Qəbulda iştirak edən vətəndaşların müraciətləri dinlənilmiş, qaldırılan məsələlərin həlli ilə bağlı müvafiq tədbirlərin görüləcəyi bildirilmişdir. Sonda Vətən müharibəsi iştirakçıları ilə görüş keçirilmişdir.
Qax rayon İcra Hakimiyyətinin başçısı Musa Şəkiliyev - Zəfərimizdən iki il keçdi. 8 noyabr 2020-ci il Prezident, Müzəffər Ali Baş Komandan İlham Əliyev Şuşanın işğaldan azad edilməsi müjdəsini xalqa çatdırarkən böyük qürur hissi ilə bildirdi: “Əziz Şuşa, sən azadsan! Əziz Şuşa, biz qayıtmışıq! Əziz Şuşa, biz səni dirçəldəcəyik! Şuşa bizimdir! Qarabağ bizimdir! Qarabağ Azərbaycandır!” Bu müjdə hər bir azərbaycanlını qürurlandırdı.
Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı İlham Əliyev Zəfər Günü münasibətilə Şuşada təşkil olunan tədbirdə hərbçilərimiz qarşısında çıxışına həmişə olduğu kimi şəhidlərimizə böyük ehtiramını bildirərək onların əziz xatirəsini bir dəqiqəlik sükutla yad etməklə başladı.
İki il öncə alınmaz qala sayılan Şuşanı düşmən tapdağından azad edən Şanlı ordumuzun şücaətindən danışan cənab Prezident “Azərbaycan Silahlı Qüvvələri şanlı tarix yazdı” deyə çıxışına başladı. Böyük qurur hissi ilə bunu vurğulayan Prezident İlham Əliyev xalqına, onun ordusuna nə qədər inandığını və qurur duyduğunu bir daha bildirdi.
Qarabağın, alınmaz qala sayılan Şuşanın işğaldan azad olunması çox insanlar üçün inanılmaz olsada, cənab Prezident Şuşaya qayıdacağımıza inandıgını və buna əmin olduğunu qətiyyətlə deyirdi. Azərbaycan xalqı öz müdrik rəhbərinin uzaqgörən siyasətinə güvənir və əmin idi ki, bir gün gələcək bütün işğal altında olan torpaqlarımızı azad edəcəyik. Nəhayət 44 günlük zəfər savaşında bunun şahidi olduq. Azərbaycan tarixinin ən yadda qalan, ən əhəmiyyətli hadisəsi məhz Müzəffər Ali Baş Komandanın rəhbərliyi ilə Şanlı ordumuzun 2020 – ci ildə əzəli torpaqlarımızı düşmən tapdağından azad etməsi oldu. Düşmənin dırnaqarası “dənizdən dənizə böyük ermənistan” planını darmadağın edən azərbaycan xalqı, indi bütün dünyada məğrur və qalib xalq kimi tanınınr. Bir zamanlar Ohanyan səddinə güvənən ermənilər, bu gün Müzəffər Azərbaycan ordusunin qarşısında heç bir səddin dözmədiyinin şahidi oldular.
Qələbəmizin ikinci ildönümü günü, Şuşada çıxışı zamanı Müzəffər Ali Baş Komandan: “Hər dəfə Şuşada olarkən, - mən son iki il ərzində Şuşada on dəfədən çox olmuşam, - hər dəfə Zəfər yolu ilə Şuşaya yaxınlaşarkən mən və əminəm ki, hər bir insan bir daha hərbçilərimizin qəhrəmanlığını, fədakarlığını, peşəkarlığını görür. Çünki “Zəfər yolu” adlandırdığımız yol cəmi iki ilə yaxındır ki çəkilib. Qəhrəman övladlarımız dağlardan, meşələrdən, dərələrdən, cığırlardan bu uzun məsafəni qət edərək, qanlı döyüşlərdə düşməni məğlub edərək Şuşaya yaxınlaşıb. Ondan sonra sıldırım qayalara dırmaşaraq, yüngül silahlarla küçə döyüşlərində, şəhər döyüşlərində, əlbəyaxa döyüşlərdə düşməni məğlub edib, torpağımızdan qovub, üçrəngli bayrağımızı Şuşada qaldırıb”, deyə qeyd edib.
30 ilə yaxın müddətdə ermənistan hökuməti və xalqı işğal etdikləri Azərbaycan torpaqlarında talançılıq və xəyanətdən başqa bir iş görməmişdilər. Çünki onlar yaxşı bilirdilər ki, bir gün bu torpaqların sahibləri öz əzəli yurduna qayıdacaq və buranı göz bəbəyi kimi qoruyacaqlar. Biz Qarabağı işğaldan təmizlədik və bu gün, qısa müddət ərzində öz dədə-baba torpaqlarımızı əsl cənnətə çeviririk.
