Talibanın ilk addımları: jurnalistlərə şiddət, idmana qadağa, müxalifətə yox
10-09-2021, 13:15. Разместил: admin
Əfqanıstanda Talibanının hakimiyyətə gəlməsi ilə bir çox şey dəyişib.
Ölkə.Az xarici KİV-ə istinadla xəbər verir ki, Talibanın qoyduğu qadağlara bir çox sahələr kimi idmana da təsir edib.
Əfqanıstanda 1996-2001-ci illərin əksində daha yumşaq idarəetmə vəd edən Taliban verdiyi sözün əksinə əfqan qadınların idman etməsini qadağan edib. Talibanın mədəniyyət komissiyasının sədr müavini Əhmədullah Vasik açıqlamasında qadınların idmanla məşğul olmasının uyğunsuz və gərəksiz olduğunu deyib:
“Qadınların kriket oynaya biləcəyini zənn etmirəm. Çünki kriket oynayan zaman üzlərini və bədənlərini örtə bilməyəcəklər. İslam isə qadınların bu formada görünməsinə icazə vermir”.
Bundan əlavə, Taliban üzvləri payaxt Kabildə onlara qarşı keçirilən etirazları izlədiklərini əsas gətirərək fotomüxbir Nemətullah Naqdi və jurnalist Taqi Daryabini döyüb.
AFP-yə danışan N.Naqdi bir Taliban üzvünün ayağı ilə onun üzünü əzdiyini, başını betona vurduğunu və başına təpik atdığını deyib.
T.Daryabi isə ağrıdan hərəkət edə bilmədiyini söyləyib.
Digər tərəfdən Talibanın İnformasiya nazirinin müavini də açıqlamasında məzhəblərarası qarşıdurmalara səbəb ola biləcəyini əsas gətirərək yeni hökumətin ölkədə siyasi partiyalaraqarşı olduğunu deyib.
Həmçinin Əfqanıstanda qida və neftin qiymətinin sürətlə bahalaşması, Talibanın qadınlara işləməyə icazə verməməsi və ictimai sektorda maaşların azaldılması xalqın gəlir mənbəyinə zərbə vurub.
Вернуться назад