Co Baydenin köməkçiləri onun jurnalistlərə danışmasını yenidən qadağan etdilər - FOTO/VİDEO
11-03-2021, 09:59. Разместил: admin
ABŞ prezidenti Co Baydenin köməkçiləri onun jurnalistlərə danışmasını yenidən qadağan ediblər.
Bu barədə “Daily Mail” xəbər verib.
Bildirilir ki, hadisə siyasətçi Vaşinqtonda təsərrüfat dükanında olarkən baş verib. Jurnalistlər ona bir neçə sual verməyə çalışıblar. Suallardan biri Meksika sərhədində böhranla bağlı olub. Prezident buna cavab verməyə çalışarkən, köməkçiləri onu kənara çəkib, media nümayəndələrindən isə getmələri xahiş olunub.
O da vurğulanır ki, Bayden 48 gündür prezidentlik vəzifəsində olmasına baxmayaraq, hələ də rəsmi mətbuat konfransı keçirməyib. Bu son 100 ildə rekord sayılır. Ondan əvvəlki dövlət başçıları jurnalistlərlə rəsmi görüşləri təqribən bir ay ərzində keçirirdilər.
Mart ayının əvvəlində isə Ağ Ev izah olunmayan səbəbdən Baydenlə birbaşa yayımı dayandırmışdı. O, konqresmen demokratların suallarını cavablandırmalı idi, ancaq yayım qəfildən dayandırılmışdı. (Oxu.az)
<embed src='https://baku.tv/embed/34932' width='560' height='315' frameborder='0' allow='autoplay; encrypted-media' allowfullscreen></embed>
Вернуться назад