Zelenskinin köynəyindəki rəqəmlər gündəm oldu: Putinə gizli mesaj göndərib - FOTO
13-01-2024, 09:53. Разместил: admin
Ukrayna prezidenti Volodimir Zelenski Rusiya prezidenti Vladimir Putinə gizli siqnal göndərib.
Belə iddia ilə “Bild” nəşri çıxış edib.
Ukrayna dövlətinin başçısı Estoniyanın baş naziri Kaja Kallas ilə görüşə 48,3794° və 31,1656° yazıları olan sviter geyinərək çıxıb. Alman nəşrinin jurnalistləri qeyd ediblər ki, müvafiq rəqəmlər Ukraynanın Kirovoqrad vilayətinin Dobroveliçkovka kəndinin koordinatlarıdır. Bu yaşayış məntəqəsi 1991-ci il sərhədləri daxilində keçmiş Sovet respublikasının coğrafi mərkəzidir.
“Beləliklə, Ukrayna lideri hər hansı ərazi güzəştlərindən imtina etdiyinə işarə edib”, - nəşrin müəllifləri iddia ediblər.
Eyni zamanda, Kallas danışıqlara sarı-mavi kostyumda gəlib. (Publika.az)
Вернуться назад