Qumbaraları zala atan deputat bunları tələb edibmiş
16-12-2023, 09:39. Разместил: admin
Xəbər verdiyimiz kimi, ukraynalı deputat iclasa qumbara ataraq 26 nəfərin yaralanmasına səbəb olub.
Rusiya mətbuatı məlumatına görə, hadisəni törədən siyasətçi “Xalqın xidmətçisi” partiyasından olan 54 yaşlı deputat Sergey Batrindir. Onun ötən il üçün xərclər haqqında hesabat tələb etməsi nəticəsiz qalıb, həmçinin Keretskov icmasının başçısına maaşının 50%-i qədər artım və hər ay maaşın 100%-i qədər bonus verilməsinin əleyhinə çıxıb.
Mübahisədən sonra Batrin zalı qısamüddətlik tərk edib, geri dönərək ona söz verilməsini tələb edib. Ona qarşı etinasız davrandıqlarını gördükdən sonra özü ilə gətirdiyi qumbaraları salona atıb.
Xatırladaq ki, partlayış nəticəsində 26 nəfər yaralanıb, onlardan 6-sının vəziyyətinin ağır olduğu bildirilir. Hadisədən dərhal sonra deputatın öldüyü deyilsə də, sonrada onun həyatda qaldığı açıqlanıb.
Вернуться назад