Rusiya PUA-ları Odessadakı liman obyektlərinə zərbələr endirib
2-08-2023, 13:29. Разместил: admin
Rusiyaya məxsus pilotsuz təyyarə Odessanın cənubundakı liman və sənaye obyektlərini vurub.
KİV xəbər verir ki, hücumdan sonra yanğın baş verib.
Həmçinin taxıl anbarının da zədələndiyi bildirilib.
Ukrayna Hərbi Hava Qüvvələri erkən saatlarda Rusiya İHA-larının Dunaydakı əsas limanlardan İzmailə doğru uçduğunu bildirmişdi.
Rusiya ötən ay Türkiyə və BMT-nin vasitəçiliyi ilə Ukrayna ilə taxıl müqaviləsindən çıxdıqdan sonra Ukrayna limanlarını hədəfə almağa başlayıb. Rusiya Ukraynanın Qara dəniz limanlarına doğru hərəkət edən gəmiləri də vurmaqla hədələyib.
Buna görə də Dunay çayı Ukrayna taxılının ixracı üçün mühüm alternativdir.
Qeyd edək ki, Rusiya iyulun 17-də ötən ilin iyulunda başlayan Taxıl Dəhlizi Sazişindən öz ərzaq məhsullarının satışına maneələrin aradan qalxmadığına görə çıxdığını açıqlayıb.
Вернуться назад