Baydendən Makrona: "Səbirsizliklə gözləyirəm"
- 23-10-2021, 11:14
- Dünya
- 0
- 238
ABŞ Prezidenti Co Baydenlə Fransa Prezidenti Emmanuel Makron arasında telefon danışığı baş tutub.
Bu barədə Ağ Evin mətbuat xidməti məlumat yayıb. Tərəflərin regional məsələləri müzakirə etdikləri bildirilib.
Dövlət başçıları həmçinin NATO ilə birgə Avropanın müdafiə sisteminin gücləndirilməsi mövzusunda da fikir mübadiləsi aparıblar.
Məlumatda Baydenin bu ayın sonunda Romada baş tutacaq G20 zirvəsi çərçivəsində Makronla görüşmək üçün səbirsizləndiyi ifadə edilib.
Prezidentlərin görüşü zamanı ABŞ-Fransa əməkdaşlıq sahələri, ortaq mənfəət və dəyərləri müzakirə edəcəkləri qeyd olunub.
