Rusiya Paşinyanın yerinə bu milyarderi gətirir - DƏYİŞİKLİK

Rusiyanın paytaxtı Moskvada yaşayan erməni milyarder Ara Abramyan Ermənistanda keçiriləcək növbədənkənar seçkilərdə iştirak etməyi planlaşdırır.
Redaktor.az xəbər verir ki, o, bu barədə Ermənistan mətbuatına açıqlama verib.

"Hər bir Ermənistan vətəndaşı seçki günü ölkədə olmalı və səs verməlidir. Mən bu seçkilərdə aktiv iştirak edəcəm. İndi biz uçurumun kənarındayıq", - deyə Abramyan bildirib.

Rusiya erməniləri ittifaqının sədri kimi də fəlaiyyət göstərən milyarder seçkilərlə bağlı öz proqramını açıqlayacağını deyib:

"Hansı siyasi qüvvə ilə seçkilərdə iştirak edəcəyimi ictimaiyyətə bildirəcəyəm. Bu seçkilərə qatıldığım komandanın tərkibini açıqlayacağam".

Qeyd edək ki, Ermənistanın Baş Naziri Nikol Paşinyan martın 28-də Ermənistanın Armavir vilayətinin Araqas kəndinin sakinləri ilə görüş zamanı apreldə istefa verəcəyini bildirib.