Türkiyə ordusunun Liviyada qalma müddəti uzadıldı
- 23-12-2020, 10:07
- Dünya
- 0
- 271
Türkiyə Böyük Millət Məclisi Prezident Administrasiyasından Türkiyə Silahlı Qüvvələrinin Liviyada qalma müddətinin uzadılması tələbini təsdiq edib.
Report xəbər verir ki, millət vəkillərinin böyük səs çoxluğu ilə qəbul etdiyi qərara əsasən türk hərbçilərinin Liviyada qalma müddəti daha 18 ay qüvvədə qalacaq.
Qeyd edək ki, Türkiyə Tripolidə Liviyanın Milli razılıq hökumətinə xüsusi təyinatlı dəstə, hərbi müşavirlər və hərbi texnika göndərib.
