Cənubi Koreyada “quş qripi”nə yoluxma qeydə alındı

Koreya Respublikasında bu il dördüncü dəfədir “quş qripi” kimi tanınan təhlükəli H5N8 virusuna yoluxma halı qeydə alınıb.
Report xəbər verir ki, Kənd Təsərrüfatı, Ərzaq, Kənd İşləri Nazirliyinin məlumatına görə, bu virus paytaxt Seul yaxınlığındakı İnçeon şəhəri ərazisində iki gün əvvəl tutulan köçəri ördəklərin peyinində aşkarlanıb. Həmin yerin 500 metr ətrafında hər cür gediş-gəliş, habelə 10 km ərtafda kənd təsərrüfatlarına nəqliyyat bağlantıları məhdudlaşdırılıb.

Oktyabr ayının sonunda Seulun 92 km cənubundakı Çeonan şəhərində H5N8 virusu aşkarlananda ölkədə səhiyyə təhlükəsizliyi tədbirləri artırılmışdı. Hazırda daha 6 şübhəli hala dair araşdırmalar aparılır.