Gürcüstanda parlament seçkilərinə səsvermə başlayıb
- 31-10-2020, 11:43
- Dünya
- 0
- 221
Gürcüstanda parlament seçkiləri üçün səsvermə başlayıb. Seçki məntəqələri yerli vaxtla saat 8:00-da açılıb, səsvermə saat 20:00-a qədər davam edəcək.
Oxu.az xəbər verir ki, respublikada parlament seçkiləri qarışıq sistemə görə keçirilir: 150 deputatdan 120-si proporsional, 30-u isə majoritar siyahıya görə seçiləcək.
Seçkilərdə 48 partiya və iki blok iştirak edir.
Seçki günü 52-si Gürcüstandan kənarda olmaqla, 3 847 seçki məntəqəsi fəaliyyət göstərəcək.
