Fransa: Hər ay ölkədə terror hücumlarına cəhdlərin qarşısı alınır

"Fransa hüquq-mühafizə orqanları demək olar ki, hər ay ölkədə törədilməyə cəhd edilən terror aktlarının qarşısını alır".

Bizimyol.info xəbər verir ki, bunu respublikanın Daxili İşlər Nazirliyinin rəhbəri Cerald Darmanin BFMTV kanalının efirində deyib.

"Radikal islamçılıq təhlükəsi hər an hər kəsə təsir edə bilər. Fransada biz demək olar ki, hər ay terror hücumlarının qarşısını alırıq", - deyib.

Bundan əvvəl Fransa prezidenti Emmanuel Makron Rusiyaya "Crocus City Hall"a hücumdan sonra terrorla mübarizədə əməkdaşlığı gücləndirməyi təklif edib. Fransa Moskva vilayətində baş verən hücumdan sonra terror təhlükəsinin maksimum səviyyəsini tətbiq edib.