İranın dövlət televiziyasına haker hücumu: Xameneinin çıxışını yarımçıq kəsdilər - FOTO

İranda etirazların davam etdiyi bir vaxtda nümayişçilər İran dövlət televiziyasına kiberhücum ediblər.

Xarici KİV xəbər verir ki, İranın ali lideri Ayətullah Əli Xameneinin çıxışı zamanı fəallar Məhsa Əmini və etirazlar zamanı həyatını itirən qadınların görüntülərini ekrana əks etdiriblər. 

Daha əvvəl Tehran hökumətinə qarşı kiberhücumlar həyata keçirən “Adalet-i Ali” adlı qrup  hadisəyə görə məsuliyyəti öz üzərinə götürüb. İranın yarı-rəsmi xəbər agentliyi ISNA xəbərlərin 21:00 bülleteni zamanı normal axının bir neçə saniyəyə kəsildiyini yazıb.
Qeyd edək ki, İran dövlət televiziyası əvvəllər də oxşar kiberhücumlara məruz qalıb.