Putin və Paşinyan Qarabağla bağlı danışdı
- 24-08-2022, 12:38
- Dünya
- 0
- 249
Rusiya Prezidenti Vladimir Putinlə Ermənistan baş naziri Nikol Paşinyan arasında telefon danışığı olub.
Bu barədə Kremlin mətbuat xidməti məlumat yayıb.
Məlumatda deyilir: “Telefon danışığı zaman Qarabağ ətrafında vəziyyət müzakirə edilib. Tərəflər Azərbaycan, Rusiya və Ermənistan liderləri arasında 10 noyabr 2020-ci il, 11 yanvar və 26 noyabr 2021-ci il tarixli üçtərəfli sazişlərin ardıcıl icrasının vacibliyini bir daha qeyd ediblər. Eyni zamanda, regionda sabitliyin təmin edilməsində Rusiya sülhməramlı kontingentinin rolu qeyd olunub.
Rusiya ilə Ermənistan arasında strateji tərəfdaşlıq və müttəfiqlik münasibətlərinin gələcək inkişafı ilə bağlı bəzi aktual məsələlərə toxunulub”.
Həmçinin bildirib ki, telefon danışığı Ermənistanın təşəbbüsü ilə baş tutub.
