Kadırovdan Zelenskiyə sərt qarşılıq: "Axmaq, o qədər də vaxtımız yoxdur"

Çeçenistan rəhbəri Ramzan Kadırov Vladimir Zelenskinin CNN telekanalına müsahibəsində Ukraynanın on il döyüşməyə hazır olması ilə bağlı bəyanatını şərh edərkən deyib ki, Zelenski üçün hər şey bir neçə günə bitəcək. 

Bu şərhin yer aldığı audioyazı bazar ertəsi gecə respublika başçısının teleqram kanalında yayımlanıb.

"Burada oxudum ki, Zelenski on il döyüşməyə hazır olduğunu bəyan etdi. Ay axmaq, sən özün nə hesab edirsən? O qədər vaxtımız yoxdur, bu günlərdə səni bitirəcəyik. Məncə, səndə şizofreniya var! Ən yaxşısı böyük qardaşın Baydenə get. Bir-birinizlə salamlaşın”, - Kadırov gülərək deyib.