Respublika Perinatal Mərkəzində baş verən yanğın hadisəsi ilə bağlı müraciət
22-07-2024, 10:00. Разместил: admin
Bu gün redaksiya olaraq Respublika Perinatal Mərkəzində baş verən yanğın hadisəsi barədə danışmaq istəyirik. Yanğın Mərkəzin dördüncü mərtəbəsində baş vermişdir.
Bu barədə ilkin məlumatı Dövlət Yanğından Mühafizə Xidmətinin rəis müavini Rza Xudiyev bildirmişdir.
Bildirilib ki, yanğın bir otaqda 35 kv m sahəni əhatə edib. Binanın dörd və üçüncü mərtəbələrindəki pasiyent və personal təxliyə olunub.
Qeyd olunub ki, yanğın qısa müddətdə söndürülüb: “Yusif Səfərov küçəsində yerləşən Respublika Perinatal Mərkəzində baş vermiş yanğın genişlənməsinə imkan verilmədən qısa müddətdə söndürülüb”.
Yanğının baş verməsindən neçə müddət keçməsinə baxmayaraq, müəssisənin işçiləri, həkimləri və tibb işçiləri öz yerlərinə qayıda bilməyiblər.
Bu gün redaksiya olaraq ünvanladığımız müraciətdə bildirmək istəyirik ki, uzun müddətdir səhiyyə sahəsində fəaliyyət göstərən, xəstələrə xüsusi diqqət və qayğı ilə yanaşan savadlı həkimlərimiz bu gün öz iş yerlərindən məhrum olublar. Körpələrin sağlamlığa qovuşması, həmçinin cəmiyyətə sağlam uşaq verilməsində bu həkimlərin əvəzsiz rolu olmuşdur. Xəstəxanada baş verən məlum yanğın hadisəsindən sonra xəstələrə, hamilə qadınlara tibbi xidmətlər göstərilmir.
Əziz və dəyərli Mehriban xanım! Yazıb sizdən xahiş edirik ki, bu məsələdə bizə köməklik göstərəsiniz. Çünki siz hər zaman Səhiyyəmizin inkişafına yüksək diqqət və qayğı göstərmisiniz. Ümid edirik ki, Respublika Perinatal Mərkəzinin yenidən bərpa olunmasına köməklik göstərəcəksiniz.
Вернуться назад