"Bəzi məmurlar şəhid ailələrini incidirlər" - Deputat
- 17-11-2021, 12:26
- Cəmiyyət
- 0
- 261
"Bəzi məmurlar şəhid ailələrini, veteranları incidirlər".
Bunu parlamentin plenar iclasında millət vəkili Tahir Kərimli deyib.
O bildirib ki, heç kimin ata-babası həmişə varlı olmayıb: "Ona görə də kasıb ailələrə diqqətlə yanaşılmalıdır. Biz 30-cu illəri görmüş xalqıq. Biz müharibədə qalib gəlmişik, amma 3 mindən çox şəhid vermişik. Analarımız müharibədə cənnət qoxulu övladlarını itiriblər. Hər kəs, övladlarını oxşayanda, yemək yeyəndə, rahat gəzəndə onları unutmamalıdır. Çünki şəhid anası o zaman cənnət qoxulu övladının baş daşını sığallayır. Həmin məmurlar atasının şəklini qucaqlayıb ağlayan şəhid uşaqları yada salsınlar. Bəzi məmurlar onları incidir, onlara diqqət yetirib probleminə lazımi diqqət ayırmır, laqeydlik göstərir. Bu münasibət dəyişməlidir" - Tahir Kərimli deyib.
